विधा:  बाल कविता

"चिल उड्यो आकासमा"

चिल उड्यो आकासमा

भुईंमा चल्ला कराए

भन्दै थियो सानो भाइ

दुइटा चल्ला हराए ।

धपाउन चिललाई

पोथी चर्को करायो

ठुँगिहाल्यो चिलले

पोथी पनि डरायो ।

भन्दै थिइन् आमाले

चिल पल्कियो घरमा

छोड्नुहुन्न चल्लालाई

थुन्नुपर्छ खोरमा ।

वरिपरि गाउँभरि

चिल पल्केको सुनियो

त्यही भएर चल्लालाई

खोरभित्र थुनियो ।

(कवि उपाध्यायलाई साताको साहित्यको तर्फबाट हार्दिक बधाई)