लेखक

रमेश श्रेष्ठ

नाम : रमेश श्रेष्ठ ठेगाना : पोखरा, कास्की   रमेश श्रेष्ठका रचनाहरू

सुनगाभाको ओठ रुझ्यो शीतको ताराले
म त रुझेँ तिम्रो गीतले देख्यो साराले

आँसु बगाई रुन्छु भन्दा रात चाहिन्छ भन्यौ
ढुंङ्गा बनी जम्न पनि साथ चाहिन्छ भन्यौ
जूनको मात्र बैँश हो र भन्यो ताराले
म त रुझेँ तिम्रो गीतले देख्यो साराले ।

फैलिएर हाँस्छु भन्दा ओठ चाहिन्छ भन्यौ
हृदयको गीत पोख्न चोट चाहिन्छ भन्यौ
फूलको मात्र जोवन हो र भन्यो काँढाले
म त रुझेँ तिम्रो गीतले देख्यो साराले

सुनगाभाको ओठ रुझ्यो शीतको ताराले 
म त रुझेँ तिम्रो गीतले देख्यो साराले