म त्यही सिगरेट थिएँ-
जसलाई तिमीले पहिलो पटक सलकाएकी थियौ।
म त्यही सिग्रेट थिएँ -
जसलाई तिमीले जिजीविषाभरी धुकधुकी फुकेर चलमलाएकी थियौ ।
म त्यही सिग्रेट थिएँ-
जसलाई तिमीले सम्हाल्न नजानेर आफ्नै औँला जलाएकी थियौ।
म त्यही सिग्रेट थिएँ -
जसलाई तिमीले केही क्षण ओठमा राखेर छातीभरी
सर्काएकी थियौ
हो म त्यही सिग्रेट थिएँ -
जसलाई तिमीले हरेक पल्ट आफू भित्र सम्मोहित गरेर
बेपर्वाह हावामा उडाएकी थियौ।
मात्र एउटा उत्कन्ठा बाँकी थियो
तिम्रो ओठसम्म पुगेर - चिसिने
तर म त्यही
निभ्न नसकेको सिग्रेट थिएँ-
जसलाई तिमीले अन्तिम सर्को तानेर निभाएकी थियौ।