तिम्रा चाेटहरुमा म छियाछिया भैदिऊँला
साेमालिया भैदिऊँला सिरिया भैदिऊँला

म दुनियाँ भएर पनि एक्लाे भएकाे छु
तिमी एक्लाे छौ तिम्रो दुनियाँ भैदिऊँला

अभावमा कुटेर चामल बनाउन सकिन्छ
संकलन गरेर राख्छौ भने बियाँ भैदिऊँला

प्यारजस्ताे पनि भयाे हतियारजस्ताे पनि
भन्यौ फलामकै अगाडि खिया भैदिऊँला

गुलाफ पाे सुरक्षाको नाममा हमला गर्छ
कमल हुँ फूलैफूलकाे तकिया भैदिऊँला