आदेश

०६ अक्टोबर, २०१६ लेखक : निष्प्रभ सजी

string(43) "user_uploads/members/955666148136_large.jpg"

लामो समयदेखि
सिमानामा
सिपाहीहरू बीच
सिमाना थिएन
सिमानामा
सिपाहीहरू दुश्मन थिएनन्

सिमानामा
सिपाहीका हतियारहरू जस्तै
विसाएका थिए सिपाहीहरू

सिमानामा
अल्लि अघि
परको 'बारोघिल'ले
परको 'बिहार' सँग
'इद' बाँडेको थियो
सिमानामै
'पिप्ली'को ननभेज जोक सुनेर
'पेशावर' पेटभरी हाँसेको थियो !

आदेश आउनु अघि !
सिमानामा
सबैथोक ठिक थियो !

आदेश विसाएपछि
कतै नबिसाइकन
एउटा सन्देश
बाग्लुङ पुग्यो
बहादुर गोर्खालीको घर खोज्दै !

थाहा पायो बहादुर बाग्लुङले
परको धर्तीमा
काली गण्डकी
रातो बगेछ

विना साइत पुगेको
खबरले पनि
एउटा खबर लिएर फर्कियो ।
त्यही गोर्खालीको आगनमा
एउटा च्याङ्ग्रो
दशैँ पर्खिरहेको थियो !

आदेश आउनु अघि !
सिमानामा
सबैथोक ठिक थियो !

पाठकको प्रतिक्रिया

अन्य कविताहरू

अक्षर अक्षरमा देश