मुख्य पृष्ठ » कविता » दुर्घटित मनको कथा

दुर्घटित मनको कथा

string(43) "user_uploads/members/161191482898_large.jpg"
लेखक
बिक्रम तिमिल्सिना
नाम : बिक्रम तिमिल्सिना
  बिक्रम तिमिल्सिनाका रचनाहरू

तिमी साथ नहुँदा,
नियास्रोको कर्द
मुटुबीच बर्सिंदा,
यता मेरो आँखामा पहिरो गयो,
मन दुर्घटित भयो ...

दुखेको हो,
तर अविश्वास दुखेको होइन,
विश्वासभित्र पनि 
अलिकति दुख्ने ठाउँ हुँदो रहेछ...
त्यहि दुखेको हो,
त्यहीं दुखेको हो,
अहम् अलिकति झुकेको हो ...

तिमी उहीं छौ, म त्यहीं छु ...
आधारमा आगो लागेको होइन,
अनौठो रहर जागेको होइन ...
परेलीमा मूल फूटेर सिरानी भिजेको हो,
सन्सार भिजेको होइन...
मष्तिस्कको हल्का ज्वरोले
मन जलेको हो,
मुटु बलेको होइन ...
यादको भूमरीमा
निद्रा गलेको हो,
रात ढलेको होइन ...

हो साथी,
तिमी साथ नहुँदा
नियास्रोको कर्द
मुटुबीच बर्सिंदा,
यता मेरो आँखामा पहिरो गयो,
मन दुर्घटित भयो ...

पाठकको प्रतिक्रिया
Books on Market

अक्षर अक्षरमा देश

रचनाकार : दीपक समीप

प्रकाशक : बी एन पुस्तक संसा ...

बितरक : मुक्तक

पूरा पदनुस

रचनाकार : असीम सागर

प्रकाशक : फाइन प्रिन्ट बुक ...

बितरक : कविता

पूरा पदनुस